பால்ராஜ் கென்னடி எழுதிய உணர்வுகள் சில சித்திரங்களாய்

 

வெளியீடு

கென்னடி மீடியா, சென்னை

செல் : +91 9940 667 881, + 91 9940 350 460

விலை : ரூ 200/-

உணர்வுகளை தன் எழுத்துகள் வழியாக நம் கண் முன்னே அழகாய் படம் பிடித்துக் காட்டி விடுகிறார். கதையாசிரியர் ஒளிப்பதிவாளர் என்ற முத்திரையை ஒவ்வொரு கதைகளிலுமே பதித்து விடுகிறார். கதையுடன் நாமும் சேர்ந்து பயணிக்கும் உணர்வினை நமக்குத் தந்து விடுகிறார்.

கதைகளை தொகுப்பாகக் கொண்டு வரும்போது ஒரே மாதிரியான நிகழ்வுகள் வரும் கதைகளைத் தவிர்த்திருக்கலாம். மேலும் கதையாக்கத்திலும் கூடுதல் கவனம் செலுத்தி இருக்கலாம்.

வே. சதாசிவன் எழுதிய புதிய தலைமுறைகள்

 

வெளியீடு

184/15, வடக்கு ரத வீதி, எட்டயபுரம் 628 902

செல் : +91 94435 62574

சமுதாய மாற்றங்களை முன்னரே அறிந்து அந்த மாற்றத்தினைச் சிறப்பான கதைகளாய்  செய்து உள்ளார். கதையின் முடிவினை படிக்கும் போதே உணரக்கூடிய பாணியில் கதையினை சொல்கிறார்.

சிறந்த சமுதாய மாறுதல்களை ஏற்றுக் கொள்ள வேண்டும் என்பதனை கதையின் மூலம் வலியுறுத்துகிறார். தன் தாத்தா எழுதிய கதையினை பேத்தி புத்தகமாகக் கொண்டு வந்துள்ளது புத்தகத்தின் மற்றொரு சிறப்பு அம்சமாகும். படிக்கக் கூடிய சிறுகதைத் தொகுப்பில் இதுவும் ஒன்று.